निर्मला प्रकरणमा अनावश्यक राजनीतिकरण भयो– गृहमन्त्री थापा

चितवन, असोज १७ ।गृहमन्त्री रामबहादुर थापाले गृहमन्त्री थापाले निर्मला पन्त बलात्कार तथा हत्या प्रकरणमा अनावश्यक राजनीतिकरण भएको बताएका छन् ।

प्रेस सेन्टर र प्रेस चौतारी चितवन शाखाले आज आयोजना गरेको पत्रकार सम्मेलनमा उनले गृह प्रशासनले सुक्ष्म ढङ्गबाट अनुसन्धान गरिरहेको भएतापनि घटनामाथि विभिन्न तरिकाले राजनीतिकरण भएको बताएका हुन् ।

पन्तको हत्या भएको भोलिपल्टै उच्चस्तरीय अनुसन्धान टोली त्यसतर्फ पठाइएको भन्दै गृहमन्त्री थापाले अपराधीलाई कानूनको कठघरामा ल्याउन गृहमन्त्रालय गम्भीर भएर अघि बढिरहेको दाबी गरे ।

छानबिन टोलीले बुझाएको प्रतिवेदनको निष्र्कषको आधारमा दोषीलाई कारवाही प्रक्रिया अघि बढाउने र अनुसन्धानलाई जारी राख्ने बताउँदै उनले भने, ‘यसअघि निर्मला पन्तजस्ता धेरै नारी बलात्कृत हुँदै आएका छन् । ती मध्ये ९५ प्रतिशत अपराधीलाई पक्राउ गर्न प्रहरी सफल भएको छ ।’

गृहमन्त्री थापाले घरेलु हिंसा अन्त्यका लागि सरकार र जनताको संयुक्त पहलमा नयाँ अभियान शुरु गर्ने बताए ।

घरेलु हिंसाको मुख्य कारण मदिरा र लागुऔषध रहेको भन्दै उनले मदिराको नियमन, अनुगमन र नियन्त्रण गर्नुका साथै लागुऔषध उन्मूलन गर्नुपर्नेमा जोड दिए ।

सुन तस्करीको सञ्जाल ध्वस्त भएको भन्दै गृहमन्त्री थापाले भने, “३३ किलो सुन मात्रै नभएर चार हजार किलो सुन यो सरकार आउनु अघिदेखि तस्करी भइरहेको थियो भन्ने कुरा पत्ता लागेको छ ।”

सरकार गठन अघि भएका चन्दा आतङ्क र विष्फोटका घटनामा कमी आएको भन्दै उनले एकाधिकार, भ्रष्टाचारजस्ता गतिविधि न्यून भएको बताए ।

 

photo

NOC1-250x300