निर्मलाको ‘यौनिक स्वाब’ सुरक्षित राख्न आयोगको निर्देशन

 बलात्कारपछि हत्या गरिएकी कञ्चनपुर भीमदत्तनगरकी १३ वर्षीया बालिका निर्मला पन्तको भेजिनल स्वाव सुरक्षित राख्न निर्देशन दिएको छ ।

मानव अधिकार आयोगले प्रहरी प्रधान कार्यालयलाई बिहीबार एक पत्र लेख्दै निर्मला पन्तको घटनामा संकलित भेजिनल स्वाबका नमुनाहरु र सो नमुनाबाट पृथकिकरण डिएनए लगायतका प्रमाणहरु सुरक्षित राख्न निर्देशन दिएको हो ।

आयोगले बिहीबार चिकित्सीय जाँच र प्रमाणहरुको वैज्ञानिक परीक्षणको राय सुझाव बारेमा विज्ञहरुसँगको छलफल गरेको थियो । डिएनए टेष्ट शंकास्पद लागेकाले थप परिक्षणका लागि आयोगले यस्तो निर्देशन दिएको हो ।

गृहमन्त्रालयले निर्मला प्रकरणबारे अनुसन्धान गर्न गठन गरेको छानविन छानविन समितिले तयार पारेको प्रतिवेदनले पन्तको हत्या घटनासँग सम्बन्धित प्रमाण सङ्कलनमा खटिएका प्रहरीको लापर्वाही रहेको निष्कर्ष निकालेको थियो ।

शव बरामद भएको स्थान, निजले प्रयोग गर्ने साइकल एवं नोटकपी, साथीको घरबाट ल्याएको भनिएको अम्बा र ती सामग्री प्राप्त भएको स्थान तथा आसपासका क्षेत्रमा अपराधीको पहिचानका लागि प्रयोग हुनसक्ने गरी तालीमप्राप्त कुकुरको प्रयोग नभएको, शव फेला परेको स्थान र आसपासको क्षेत्रका तत्काल पर्याप्त मात्रामा तत्कालीन प्रहरी प्रमुखले सुरक्षाकर्मी परिचालन नगरेको प्रतिवेदनमा उल्लेख गरिएको थियो ।

 

photo

NOC1-250x300