नासाले चन्द्रमामा पुन: अन्तरिक्षयात्री पठाउने

एजेन्सी, २१ असोज । अमेरिकी अन्तरिक्ष एजेन्सी नासाले आउने दिनमा मानवलाई पुन: चन्द्रमामा पठाउने योजना बनाउन सक्ने बताइएको छ ।th

ट्रम्प प्रशासनले अमेरिकी अन्तरिक्ष एजेन्सी नासालाई फेरि मनुष्यलाई चन्द्रमामा पठाउन निर्देशन दिन सक्ने भारतीय सञ्चारमाध्यम जागरणले उल्लेख गरेको छ । अमेरिकी‍ उपराष्ट्रपति माइक पेंसले राष्ट्रिय अन्तरिक्ष परिषद्मको बैठकमा यसबारे भनाई राखेका थिए ।

उता उपराष्ट्रपतिले भिर्जिनियाको स्मिथसोनियन नेशनल एयर एंड स्पेस म्यूजियममा पत्रकारहरुलाई सम्बोधन गर्दै भने, ‘नासाका अन्तरिक्षयात्री पुन: चन्द्रमामा कदम राख्नेछन् । यसपटक उनीहरु चन्द्रमामा पाइला टेक्न र झण्डा गाड्न मात्र नभई त्यहाँ ठोस ढाँचा तयार पार्न पठाइनेछ । ट्रम्पको नेतृत्वमा अमेरिका फेरि अन्तरिक्षमा एक सफलता हासिल गर्नेछ ।’

ads