नक्कली नेपाली रुपैयाँ छाप्ने दुई भारतीय युवक पक्राउ

सुदूरपश्चिमाञ्चल क्षेत्रीय प्रहरी कार्यालय डोटी मातहतको क्षेत्रीय अनुसन्धान समूह (आरआईटी) ले कञ्चनपुरको दक्षिणी सीमा क्षेत्रबाट नक्कली रुपैयाँ छाप्ने दुई युवकलाई पक्राउ गरेको छ । 177863317526803451_2267267479966249_101863631_nआरआईटीको टोलीले सीमा क्षेत्र नजिकै पर्ने बेलौरी नगरपालिका–६ दुमलीबाट नक्कली पैसा छाप्ने दुई जना भारतीय युवकलाई पक्राउ गरेको हो । सूचनाका आधारमा भारतको उत्तर प्रदेशमा पर्ने पिलिभित जिल्ला सारतीपुर बलाह बजारघाटका २२ वर्षिय बलबीर सिाह र १९ वर्षिय अनमोल भनिने कृष्ण सिंहलाई पक्राउ गरिएको आरआईटीले जनाएको छ । 

पक्राउ परेका युवकहरुबाट नेपाली रुपैयाँ एक हजारको नोटको आकारमा काटिएका कागजका टुक्राहरु र छाप्नमा प्रयोग हुने विभिन्न केमिकल तथा लेन्स बरामद गरिएको आरआईटी प्रमुख प्रहरी नायव निरीक्षक केशव जोशीले जानकारी दिएका छन् ।पक्राउ परेका दुवै भारतीय युवकलाई थप अनुसन्धानका लागि इलाका प्रहरी कार्यालय बेलौरीको जिम्मा लगाइएको आरआईटीले जनाएको छ ।

ads