दरबारमार्गको क्यासिनो रोयलमा ‘अन्तर्राष्ट्रिय आतंकवादी सञ्जाल’को लगानी, ‘कालोधन’ छानबीन गर्न उजुरी

कार्तिक २९,काठमाडौं । राजधानीको दरबारमार्ग स्थित एक एण्ड यति होटलमा सञ्चालित क्यासिनो रोयलमा अन्तर्राष्ट्रिय आतंकवादी समुहको लगानी रहेको भन्दै उजुरी परेको छ ।

एक निवेदकले एक एण्ड यति होटलका सञ्चालक सुरेन्द्र बहादुर सिंह र क्यासिनो रोयल खरिद गर्ने जयन्ती थापाको सम्पत्ति छानबीन गर्न सम्पत्ति सुद्धिकरण अनुसन्धान विभागमा निवेदन दिएका हुन् ।

निवेदन अनुसार कम्पनि रजिष्टर कार्यालयमा रोयल क्यासिनोको चुक्तापुँजी २५ करोड छ । कुनै समय सामान्य मजदुर स्पिनर रहेका सिंहको असामान्य रुपको जीवन शैली र २५ करोड चुक्तापूँजी कसरी हुनपुग्यो ? भन्दै छानबीन गर्न उजुरीमा उल्लेख गरिएको छ ।

सिंहले केही महिनाअघि सोही क्यासिनोमा कार्यरत कर्मचारी सहायक सुपरभाइजर जयन्ती थापा मगरलाई सबै शेयर बेचेका थिए । ‘सामान्य कर्मचारीले कसरी २५ करोड चुक्तापुँजी भएको क्यासिनो खरिद गरिन् । यसबाहेक जयत्नी थापाले सिंहलाई १२ करोड रुपैयाँ नगद दिएकी छिन् । यसअघि बक्यौता रहेको १२ करोड कर तिरेकी छिन् । मजदुरहरुको तलब रु १२ करोड पनि भुक्तानी गरिएिको छ,’ उजुरीमा भनिएको छ,‘रु १० करोड बराबरको क्यासिनो पुन : निर्माण एवं मर्मतमा खर्च गरिएको छ । क्यासिनो सञ्चालनका लागि १० करोड पुँजी थप गरिएको छ । यसरी लगानी भएको रकमको मोटोमोटी हिसाबले झण्डै १० करोडको लगानी भएको छ यो उनले कुन स्रोतबाट ल्याएको हो कतै खुल्दैन । जयन्ती थापाको नाउँमा अन्तर्राष्ट्रिय आतंकवादी संजालको लगानी भएको हुनसक्ने संभावना छ ।’


उजुरी अनुसार एक एण्ड यति होटलका मालिक सिंहले यसअघि पनि अवैध स्रोतबाट रकम लिएको र थापाले समेत सोही स्रोतबाट रकम लिएर क्यासिनो रोयल खरिद गरेको बताइएको छ ।

उजुरी अनुसार सामान्य हैसियतका सिंहले एक अर्ब भन्दा धेरै सम्पत्ति जोडिसकेका छन् । उनले विदेशी कालो धन व्यवस्थापन गर्ने गरेको समेत बताईन्छ ।
निवेदक दाहालले सिंहको सम्पत्ति छानबीन गर्न र विगतदेखिकै गतिविधि अनुसन्धान गर्न माग गरेका छन् । सिंहले उपत्यका बाहिरसमेत विभिन्न ठाउँमा मिनि क्यासिनो चलाउँदै आएका छन् ।

 


होटल याक एण्ड यति होटलको मुल डोका अगाडी जोडिएको ४४ आना जग्ग ६६ करोडमा विक्री गरेको र उनले सुकेधाराबाट सुविधा सम्पन्न घर किनेर सञ्चारगृह चलाउने तयारीगरेको समेत बताईन्छ ।

सम्पत्ति सुद्धिकरण विभागका सुचना अधिकारी विनोद लामिछानेले उक्त विषयमा अनुसन्धान भइरहेको बताए । ‘यो मुद्दाको विषयमा अनुसन्धान भइरहेको छ । हामीले अनुसन्धानमा रहेको विषय सार्वजनिक गर्न मिल्दैन,’ उनले भने ।

coppied from diyopost 

 

photo

NOC1-250x300