क्यानाडामा सन्दिपको विकेटसहित उच्च प्रदर्शन

नेपाली युवा स्पिनर सन्दीप लामिछानेले जारी ग्लोबल टि-२० क्यानाडाको तेस्रो खेलमा १ विकेट सहित उच्च प्रदर्शन गरेका छन् ।

Sandeep-Lami-1024x683

ग्लोबल टि-२० मा सन्दीप मोन्ट्रियाल टाइगर्सको तर्फबाट खेल्दै छन् । हिजोको खेलमा मोन्ट्रियाल टाइगर्स भान्कुभर नाइट्ससंग भिड्दा सन्दीपको बलिङ प्रशंसायोग्य रह्यो । उनले आफ्नो ४ ओभरमा १ मेडन राख्दै १९ रन खर्चिए र १ विकेट पनि लिए । सन्दीपले चाडविक वाल्टनको विकेट लिन सफल भएका थिए ।

सन्दीपको प्रदर्शन मोन्ट्रियाललाई जितका लागि भने पर्याप्त रहेन । १ सय ६७ रनको लक्ष्य पछ्याएको मोन्ट्रियाल अन्तिम ओभरमा १ सय ४८ रनमा समेटियो । सन्दीपले ब्याटिङतर्फ ३ बलमा ७ रनको योग्दान पनि दिएका थिए । उनको पारीमा १ छक्का पनि सामेल थियो ।

६ टोली सम्मिलित प्रतियोगितामा मोन्ट्रियाल ३ खेल खेल्दै विना कुनै अंक अन्तिम स्थानमा रहेको छ । यस अघि प्रतियोगितामा वेष्ट इन्डिज ‘बि’ संग पनि सन्दीपले १ विकेट लिएका थिए तर सो खेलमा उनी ५७ रन दिंदै केही खर्चिलो सावित भएका थिए ।

अब मोन्ट्रियालले आफ्नो चौथो खेलमा एड्मोन्टन रोयाल्ससंग जुलाई ५ मा खेल्ने छ ।

 

photo

NOC1-250x300