काठमाडौंका मेयर आफै गए हातमा गैँटी बोकेर सार्वजनिक जग्गा मिचेर बनाइएका संरचना भत्काउन

फाल्गुन २५, काठमाडौं ।   मेयरमा निर्वाचित भएको १० महिनापछि  गत सोमबार काठमाडौं महानगरपालिकाका मेयर विद्यासुन्दर शाक्य हातमा गैँटी बोकेर सार्वजनिक जग्गा मिचेर बनाइएका संरचना भत्काउन पुगे ।सोमबार वडा नम्बर ३ स्थित होटल काठमाडौंले साढे ६ आना सार्वजनिक जग्गा अतिक्रमण गरेर बनाएको एकतले भवन भत्काउन उनले सघाए ।मेयर शाक्यले अतिक्रमित सार्वजनिक जग्गा फिर्ता लिन वडाध्यक्षलाई बोलाएरै निर्देशन दिएका थिए ।

यसपछि सुरु अभियानको प्रारम्भमै महानगरले करिब तीन करोड रुपैयाँ मूल्य पर्ने जग्गा फिर्ता पाएको छ।’सार्वजनिक जग्गा जनताको हितमा‘ नामक अभियान  अन्तर्ग्गत  यो कार्य  सुरुु गरिएको हो ।

सो कार्यक्रममा मेयर शाक्यले भने, २०७२ सालको भूकम्पले हामीलाई ठूलो पाठ सिकाएको छ ।सहरी सुन्दरता कायम गर्न, हरियाली बचाउन र आपतविपतमा आश्रय लिन पनि खुला स्थानको संरक्षण गर्न जरुरी छ । र अब शहरको सबै मिचेर हराएका वा अलपत्र परेका सार्बजनिक जग्गाहरुको खोजी गरि उचित संरक्षण गर्ने बताए ।

NOC1-250x300