कक्षा ११ को आंशिकतर्फको नतिजा सार्वजनिक


काठमाडौं, १८ मंसिर । राष्ट्रिय परीक्षा बोर्डले कक्षा ११ आंशिक तर्फको नतिजा सार्वजनिक गरेको छ । परीक्षामा ३५ दशमलव ५८ प्रतिशत विद्यार्थी उत्तीर्ण भएको परीक्षा नियन्त्रक डम्बर बतासले जानकारी दिए ।

परीक्षामा सम्मिलित १ लाख १ हजार ३ सय ७५ मध्ये ३६ हजार ७४ जना विद्यार्थी उत्तीर्ण भएका छन् भने सहभागी मध्ये २१ जना विद्यार्थीको परीक्षा रद्द भएको बतासेले जानकारी दिए । गत बर्ष परीक्षामा सहभागि १ लाख ७ हजार ९ सय ९५ विद्यार्थी मध्ये आंशिकमा ३९ प्रतिशत विद्यार्थी उत्तीर्ण भएको तथ्यांक छ ।

नतिजामा चित्त नबुझ्ने विद्यार्थीले ५ सय रुपैंया तिरी १५ दिन भित्र आवेदन गर्न सक्ने परीक्षा बोर्डको प्रावधान छ । परीक्षाफल थाहा पाउन मोबाइलको मेसेज बक्समा गई km टाइप गरी एक स्पेस दिएर आफ्नो सिम्बोल नम्बर टाइप गरी ३५००१ मा एसएमएस गर्न सकिनेछ ।

ads