ऐश्वर्यकी दीपिका र मंगलमका पुष्पलको जोडी बाँधेर थालियो ‘छक्का पञ्जा ३’ को छायांकन

काठमाडौँ -‘छक्का पञ्जा’को अर्को सिक्वेल ‘छक्का पञ्जा ३’ कोआजबाट औपचारिक रुपमा छायाँकन सुरु भएको छ ।शुक्रबार बिहान भक्तपुर स्थित सुर्यबिनायक मन्दिरमा चलचित्र युनिटले पुजा गरि छायाँकनको सुरुवात गरेको हो । चलचित्रमा यस पटक नायक र नायिका फेरिएका छन् । अघिल्लो सिरिजमा जस्तै दिपकराज गिरी, जितु नेपाल, केदार घिमिरे, बुद्धि तामाङ, निर शाह, किरण केसी, शिवहरी पौडेल, जयनन्द लामा, अनुराग कुवर, शिशिर राणा, शिशिर बाग्देल, शारदा गिरी, प्रियंका कार्की लगायतका कलाकारको अभिनय रहने छ ।

त्यस्तै नायिका दिपिका प्रसाई र नायक पुष्प खड्का यसपटकका ‘छक्का पञ्जा ३’ मा इन्ट्रि मारेका छन् ।फिल्मलाई दिपाश्री निरौलाले निर्देशन गर्ने छिन् । लचित्रमा निर्माताका रुपमा सुमन गिरी भन्जा, किरण केसी, शिवहरी पौडेल, पुरुषेतम प्रधान, तारा चन्द्र बजगाई, दिपेन्द्र खनिया र केशव न्यौपाने रहेका छन् भने कार्यकारी निर्मातामा जितु नेपाल र केदार घिमिरे रहेका छन् । दिपराज गिरीको कथा रहेको चलचित्रमा संबाद दीपकराज गिरी, जितु नेपाल, केदार घिमिरे, यमक श्रेष्ठले तयार पारेका हुन् ।फिल्ममा अर्जुन पोखरेल र दीपक शर्माले संगीत दिने भएका छन् ।

NOC1-250x300