आयोजकसँग सेक्स गर्न नमान्दा यी डान्सरलाई यस्तो सजाय

 

काठमाडौँ, माघ २१ । कार्यक्रमको नाम :‘युनिक धमका ७ !’ कार्यक्रमका आयोजकले मोडलसँग कार्यक्रमको नामजस्तै युनिक र धमकादार प्रस्ताव राखे । मोडलले सो कुरा इन्कार गर्दै सामाजिक सञ्जालमा राखिदिएपछि जुहारी मच्चिएको छ अहिले आयोजक र मोडलकोबीच ।

प्रंसग हो आगामी फ्रेवुअरी १६,१७ र १८ ( आगामी फगुन ४ देखि ६) मा मलेसियामा हुन लागेको युनिक धमाका सात कार्यक्रमको । आयोजक हुन श्यामबाबु पटेल,भिमसेन केसी र नविन खड्का । यी तिन भाईले नेपालबाट लोक गायिका गीता सेञ्चुरी,मोडल÷डान्सर प्रमिला न्यौपाने,लोक गायक भगीरथ चलाउने र गायक विक्रमजंग शाहलाई तीन दिन क्रमश : मलेसियाको बाख्री वातु,रिभर भ्यु हल,सप्तरंगी सभा हलमा लगेर धमाका देखाउने कार्यक्रम तय भएको थियो ।

सोही अनुसार पोष्टरको डिजाइन बन्यो /छापियो पनि । तर आयोजकहरुले मोडल तथा डान्सर प्रमिला न्यौपानेसँग यौन प्रस्ताव राखे । उनले अस्वीकार गरिन् । यही कारण आयोजकले छापिएको पोष्टरबाट उनको तस्वीर हटाएर लीला गिरीको फोटो छापेपछि यो लफडा सार्वजानिक भएको हो ।

प्रमिलाले कलाकारमाथि कुदृष्टि राख्नेहरुका विरुद्ध आफू एक्लै भए पनि लड्ने र आफूसँग यौन प्रस्ताव राखेको फेसबुक म्यासेज सुरक्षित रहेको बताँउदै आएको छिन् । उनले यो कुरा बाहिर ल्याएसँगै उनलाई धमाका पक्षधरले धम्की दिएको बताएकी छिन् । यद्यपि आयोजकमध्यका एक भिमसेन केसीले भने मोडल प्रमिला न्यौपानेले चर्चामा आउनका लागि यी हतकन्डा अपनाएको प्रतिक्रिया दिएका छन् । नेपाली कला क्षेत्रमा निर्माता/निर्देशकहरुले यौन प्रस्ताव राखेको घटना यो नै पहिलो होइन । यस अगाडि भिडियो निर्देशक मुनाल शिशिर कोइरालाले मोडल तथा अभिनेत्री आयुषा राईलाई नेपालकै टप हिरोइन बनाइदिन्छु भन्दै यौन प्रस्ताव राखेका थिए ।त्यस्तै नायिका स्यारोन श्रेष्ठले ‘सायद २’का निर्माता सुनिल रावललाई ‘सेक्स’ प्रस्ताव राखेको आरोप लगाएकी थिईन् । सुनिल रावलले स्यारोनको आरोपलाई झूठो भन्दै आएका छन् । यता सपना लामिछाने समेत आफूलाई निर्माताले यौन प्रस्ताव राखेको बताएकी थिईन् । -जनआस्था साप्ताहिकबाट

ads