आज देशभर मौसम बदली हुन्छ : मौसम पूर्वानुमान महाशाखा

 

काठमाडाैं, १० साउन । आज देशभर मौसम बदली भई हल्कादेखि मध्यम वर्षा हुने मौसम पूर्वानुमान महाशाखाले जनाएको छ ।

आगामी तीन दिनसम्म देशका अधिकांश स्थानमा मौसम बदली भई हल्कादेखि मध्यम वर्षा हुने र आजराति कतिपय स्थानमा भारी वर्षा समेत हुनसक्ने मौसमविद् सुवास रिमालले जानकारी दिए ।

उनका अनुसार मध्य र पश्चिम तथा पूर्वमा मौसम बदली भई मध्यम देखि भारी वर्षा हुनेछ । यसैबीच, बिहिबार र शुक्रबार देशका ठुला नदीहरुमा ठुलो बाढीको संभावना नदेखिएको बाढी पूर्वानुमान शाखाले जनाएको छ ।

पर्सी भने देशैभरका नदीहरुमा बहाब उल्लेख्य बढ्ने र केहिमा सतर्कता तह समेत पुग्न सक्ने शाखाको भनाइ छ । आज र भोली वर्षा भइराख्दा स साना खोलाहरुमा सतर्कता अपनाउन शाखाले सचेत गराएको छ । अाइतबार भने देशैभरका चुरे र पहाडका स साना खोलाहरुमा उच्च सतर्कता जरुरी रहेको जनाइएको छ ।

 

photo

NOC1-250x300