अर्जेन्टिना थप संकटमाः प्रशिक्षक फेर्ने तयारी, मेसीले गरे यस्तो माग

messicअर्जेन्टिनाले आगामी मंगलबार नाइजेरियासँग प्रतिस्पर्धा गर्दैछ । समूहको अन्तिम खेलमा मंगलबार नाइजेरियासँग अर्जेन्टिनाले खेल्ने लागेको हो । अर्जेन्टिना आगामी खेलमा गर वा मरको अवस्थामा खेल्नेछ । तर टिम भित्र असन्तुष्टि पैदा भएको छ ।

अर्जेन्टिनाले नाइजेरियालाई पराजित गरे र क्रोएशियाले आइसल्याण्डलाई पराजित गरे अर्जेन्टिना अन्तिम १६ मा पुग्नेछ । तर क्रोएशियासँग लज्जास्पद पराजय भोग्नुमा प्रशिक्षकको खराब रणनीति मुख्य कारण रहेको लियोनल मेस्सी र उनका सहकर्मीहरुले निष्कर्ष निकालेका छन् ।

उनीहरुले सरकारसँग प्रशिक्षक परिवर्तनको माग गर्दै प्रशिक्षक जर्ज साम्पोलीको खराब रणनीतिका कारण विश्वकपमा असफल भइरहेको उनीहरुले निष्कर्ष निकालेका हुन् । जसका कारण पनि नाइजेरिया विरुद्धको गर या मरको खेल अगाडि अर्जेन्टिना थप गम्भीर संकटमा पर्ने भएको छ ।

प्रशिक्षक साम्पोलीको खराब रणनीतिका कारण हार्नु परेकाले उनीप्रति खेलाडीहरुले विश्वास गुमाएका कारण विकल्प खोजिनुपर्ने मिल्डफिल्डर जेभियर मास्चिरानोले बताएका थिए । नाइजेरियाले आइसल्याण्डलाई पराजित गरेपछि २०१४ को फाइनलिस्ट टोली अर्जेन्टिनालाई अन्तिम खेलमा नाइजेरियालाई पराजित गर्दै अन्तिम १६ मा पुग्ने मौका छ ।

क्रोएशियाविरुद्ध दोस्रो खेलमा ३–० को पराजयपछि अर्जेन्टिना विश्वकपबाट बाहिरिने संघारमा छ । खेल हारेपछि शुक्रबार राति बसेको खेलाडी, प्रशिक्षक तथा संघका अध्यक्ष क्लाउडियो टापियाबीच गहन समिक्षाका क्रममा खेलाडीहरुले प्रशिक्षक परिवर्तनको माग गरेका हुन् ।

यस अवस्थामा खेलाडीहरुले साम्पोलीको स्थानमा अर्जेन्टिनाले सन् १९८६ को विश्वकप जित्दाका मिडफिल्डर तथा अहिले टोलीका महाप्रवन्धक रहेका जर्ज बारुचागालाई प्रशिक्षकका रुपमा ल्याउन चाहेको सञ्चारमाध्यमहरुले उल्लेख गरेका छन् । खेलाडीहरुको मागपछि संघका अध्यक्ष टापियाले साम्पोलीलाई प्रशिक्षण छाड्न अनुरोध गरेको बेलायतको पत्रिका द सनले उल्लेख गरेको छ ।

 

photo

NOC1-250x300