अर्जेन्टिनालाई हराउँदै ब्राजिललाई उपाधि !

अन्तर्राष्ट्रिय मैत्रीपूर्ण प्रतियोगिता अन्तर्गत साउदी अरेबियामा भएको खेलमा ब्राजिलले अर्जेन्टिनालाई १-० ले पराजित गरेको छ । यससँगै मैत्रीपूर्ण प्रतियोगिताको उपाधि पनि ब्राजिलले जितेको छ ।

Soccer Football - International Friendly - Brazil v Argentina - King Abdullah Sports City, Jeddah, Saudi Arabia - October 16, 2018  Brazil's Neymar, Roberto Firmino and teammates celebrate with the trophy after the match     REUTERS/Waleed Ali

खेलको इन्ज्युरी समयको अन्तिम मिनेटमा गरेको गोल नै निर्णायक सावित भएको थियो । ब्राजिलको जितमा डिफेन्डर मिरान्डाले कर्नरमा आएको बललाई गोलमा परिणत गरेका थिए । स्टार खेलाडीबिना उत्रिएको अर्जेन्टिनाविरुद्ध नेयमार, कोउटिन्हो र फिर्मिनोको आक्रामक जोडीले प्रभाव जमाउन सकेन ।

अर्जेन्टिनाले सर्जियो अगुएरो, गोन्जालो हिगुआइन र एन्जल डे मारियालाई पनि विश्राम दिएको थियो । यसका बाबजुद रक्षात्मक रुपमा युवा टोलीले राम्रो प्रदर्शन गर्यो । ब्राजिलले भने खेल अवधिभर बिरलै राम्रो आक्रमण बुन्न सक्यो । युरोपमा नाम कहलिएका खेलाडीलाई मैदानमा उतारेको ब्राजिलले अर्जेन्टिनाको युवा टोलीलाई समस्या दिन सकेन ।

अर्जेन्टिनाका लागि फरवार्डहरुले उल्लेख्य आक्रमण गर्न नसके पनि डिबालाको फ्रिकिक पोस्ट नजिकैबाट बाहिरिएको थियो । त्यसअघि निकोलस ओटामेन्डीले मिरान्डाकै हेडरलाई गोललाइनबाट क्लियर गरेका थिए । अर्जेन्टिनाले विश्वकपपछि खेलेका चौथो खेलमा यो पहिलो हार हो । रुसमा खराब प्रदर्शन गरेपछि प्रशिक्षक बर्खास्तमा परेर लिओनेल स्कालोनीले टोलीलाई सम्हालिरहेका छन् ।

 

photo

NOC1-250x300