अफगानिस्तानमा विस्फोटमा परी एघार आतङ्ककारी मारिए

taliwani-750

अफगानिस्तान, २५ वैशाखः 

अफगानिस्तानको गजनी प्रान्तमा विस्फोटक पदार्थ विस्फोटमा परी एघार आतङ्ककारी मारिएका छन् ।आतङ्ककारी समूहले बनाउँदै गरेको विस्फोटक पदार्थमा अकस्मात विस्फोट हुँदा त्यसैमा परेर ११ तालिबान आतङ्ककारी मारिएका प्रान्तीय सरकारका प्रवक्ताले मङ्गलबार जानकारी दिएका छन् ।

सोमबार अपराह्नमा आन्दार जिल्लाको गिलान गाउँमा सो दुर्घटना भएको प्रवक्ता हारिफ नुरीले सिन्ह्वा समाचार समितिलाई बताउनुभएको छ ।

आफगानिस्तानमा इस्लामिक स्टेट्स आतङ्ककारी समूह, तालिबानले राखेका बम र बारुदी सुरुङ प्रयोग गरी सुरक्षा बल तथा सर्वसाधारण नागरिकमाथि हमला गर्दै आएका छन् । गत सोमबार अफगानिस्तानको दक्षिणी प्रान्त कान्दाहारको मेवान्द जिल्लामा विस्फोटक पदार्थ विस्फोटमा परी पाँच व्यक्तिको मृत्यु भएको थियो । सिन्ह्वा

NOC1-250x300